Budget 2023:મોદી સરકારનું ફોકસ આ ક્ષેત્રો પર રહેશે, નાણામંત્રી લઈ શકે છે આ પગલાં

Budget 2023:સરકાર આગામી બજેટમાં રમકડાં, સાઇકલ, ચામડા અને ફૂટવેરના ઉત્પાદન માટે નાણાકીય પ્રોત્સાહનોની જાહેરાત કરી શકે છે.

સરકાર આગામી બજેટમાં રમકડાં, સાઇકલ, ચામડા અને ફૂટવેરના ઉત્પાદન માટે નાણાકીય પ્રોત્સાહનોની જાહેરાત કરી શકે છે. પીટીઆઈના અહેવાલ મુજબ, સૂત્રોનું કહેવું છે કે વધુ રોજગારી ધરાવતા ક્ષેત્રોને પ્રોડક્શન લિંક્ડ ઈન્સેન્ટિવ (PLI) યોજનાનો લાભ આપવા માટે તેનો વિસ્તાર કરી શકાય છે.

સરકારે વાહનો અને વાહનના ઘટકો, મોટા ઈલેક્ટ્રોનિક સાધનો, ફાર્માસ્યુટિકલ્સ, ટેક્સટાઈલ, ખાદ્ય ઉત્પાદનો, ઉચ્ચ કાર્યક્ષમતા સોલાર પીવી મોડ્યુલ્સ, અદ્યતન રાસાયણિક કોષો અને વિશેષતા સ્ટીલ સહિત કુલ 14 ક્ષેત્રોમાં લગભગ રૂ. 2 લાખ કરોડની PLI યોજના અમલમાં મૂકી છે.

સ્થાનિક ઉત્પાદનને પ્રોત્સાહન આપવાનો હેતુ

અહેવાલ અનુસાર, સૂત્રોએ જણાવ્યું કે આ યોજનાનો ઉદ્દેશ્ય સ્થાનિક ઉત્પાદકોને આ ક્ષેત્રોમાં વૈશ્વિક બજારમાં સ્પર્ધાત્મક અને ચેમ્પિયન બનાવવાનો છે. પીએલઆઈ યોજનાને રમકડા અને ચામડા જેવા વિવિધ ક્ષેત્રો સુધી વિસ્તારવાની દરખાસ્ત મંજૂરીના અંતિમ તબક્કામાં છે અને તેને બજેટમાં લાવવામાં આવે તેવી શક્યતા છે.

પીટીઆઈના રિપોર્ટમાં કહેવામાં આવ્યું છે કે આ બે લાખ કરોડ રૂપિયામાંથી કેટલીક રકમ બાકી છે. તે અન્ય ક્ષેત્રોમાં લાગુ કરવાનું માનવામાં આવે છે. નાણામંત્રી નિર્મલા સીતારમણ 1 ફેબ્રુઆરીએ નાણાકીય વર્ષ 2023-24 માટે સામાન્ય બજેટ રજૂ કરશે.

આ સિવાય તમને જણાવી દઈએ કે નાણામંત્રી નિર્મલા સીતારમણ રેલવે માટે પણ બજેટમાં મોટી જાહેરાતો કરી શકે છે. ટાઈમ્સ ઓફ ઈન્ડિયાના એક અહેવાલ મુજબ બજેટમાં વંદે ભારત 2.0 અને હાઈડ્રોજન ટ્રેનને લઈને મોટી જાહેરાતો થઈ શકે છે. રિપોર્ટ અનુસાર બજેટમાં 400 થી 500 વંદે ભારત ટ્રેન, 4000 નવા ઓટો મોબાઈલ કેરિયર કોચની જાહેરાત કરવામાં આવી શકે છે. આ વર્ષે મોદી સરકારના બજેટમાં ભારતીય રેલ્વે માટે 1.9 લાખ કરોડ રૂપિયાની રકમ ફાળવવામાં આવી શકે છે. આ સિવાય વરિષ્ઠ નાગરિકોને રેલ ટિકિટના ભાડામાં છૂટ આપવાની જાહેરાત પણ થઈ શકે છે.

નાણામંત્રી સીતારમણ બજેટમાં રેલવે માટે ફંડ વધારી શકે છે. તેનો હેતુ નવી લાઈનો બનાવવા, ગેજ બદલવા, વીજળીકરણ અને સિગ્નલ સિસ્ટમમાં સુધારો કરવાનો રહેશે.

Leave a Comment